Тәтештә тарихта беренче тапкыр стендка ату буенча Россия команда чемпионаты узачак
21 майдан 25 майга кадәр Татарстан Республикасы Тәтеш шәһәрендә тарихта беренче тапкыр стендка ату буенча Россия команда чемпионаты узачак. Трап һәм скит ярышларында илнең иң көчле спортчылары катнашачак. Команда турниры белән беррәттән районда стендка ату буенча Бөтенроссия ярышлары да узачак. Гомумән алганда, 10 комплект медаль уйнатылачак. Шулай ук, ярышлар нәтиҗәләре буенча гомумкоманда зачетында төбәкләрнең рейтингы билгеләнәчәк.
Татарстанлылар, традиция буенча, турнирның фаворитлары булып торалар. Җыелманың төсләрен күп тапкырлар Россия чемпионнары, Европа чемпионатлары, дөнья Кубоклары һәм беренчелекләре җиңүчеләре һәм призерлары яклаячак. Мәктәпкә нигез салучы булып Солтан Яруллин санала-республиканың иң титуллы спортчысы Светлана Демина тренерларының берсе. Бүген танылган чемпион инде үзе тренер сыйфатында Татарстан җыелма командасы өчен скит күнегүендә яңа медальләр әзерли.
Ярышлар көн саен иртәнге 8дә башлана, финаллар 13:00 сәгатьтә башлана. Ачылу тантанасы 21 май көнне 18:00 сәгатьтә Татарстан Республикасы Дәүләт җыр һәм бию ансамбле катнашында узачак.