Яшел Үзәндә спорт туризмы буенча ярышлар узды

2019 елның 4 ноябре, дүшәмбе

Ярышлар «Маяк» спорт комплексы базасында узды

3 ноябрьдә «Маяк» спорт комплексы базасында рогейн дисциплинасында спорт туризмы буенча ТР чемпионаты һәм Беренчелеге узды.

Команда ярышларында Татарстан Республикасы, Чуашстан Республикасы һәм Удмуртия Республикасыннан 100дән артык спортчы катнашты. Спортчылар дистанцияләрдә 2 һәм 3 сәгать контроль вакыт белән ярыштылар.

Ир – атлар һәм хатын-кызлар арасында чемпионатта Казан шәһәре командасы, Егетләр Һәм Кызлар арасында Яшел Үзән командасы җиңү яулады.